Qatar 2022: Morocco ta karya tarihin shekararu 24 bayan lallasa Belgium

Tawagar kwallon ƙafa ta ƙasar Morocco a karon farko bayan shekaru 24, ta sami nasara a gasar cin kofin duniya ta shekarar 2022 da ake gudanarwa a ƙasar Qatar.

Morocco dai ta sami nasarar ne bayan da ta doke ƙasar Belgium da ci 2 da nema a wasa na biyu a rukuni na shida a ranar Lahadi.

A minti na 73 Morocco ta zura ƙwallon farko ta hannun Abdelhamid Sabiri, sannan Zakaria Aboukhlal ya ƙara ta biyu daf da lokaci zai cika.

Da wannan sakamakon Morocco ta haɗa maki huɗu kuma ta hau kan Belgium mai maki uku a rukunin na shida.

Rabonda tawagar ta Atlas Lions ta sami irin wanan nasara tun a shekarar 1998 a gasar cin kofin duniya da aka gudanar a ƙasar Faransa, inda ta casa ƙasar Scotland da ci 3 babu ko ɗaya.