Ranar HIV: Akwai raguwar yaɗuwar cutar a Kano – Dakta Aminu Tsanyawa

Ma’aikatar lafiya ta jihar Kano ta ce akwai raguwar kamuwa da cuta mai karya garkuwar jiki da kashi 2.5 zuwa 0.5 a jihar Kano

Kwamishinan lafiya na jihar Dr Aminu Ibrahim Tsanyawa ne ya bayyana hakan a bikin ranar tunawa da masu ɗauke da cuta mai karya garkuwar jiki.

Ya ƙara da cewa a yanzu akwai buƙatar mutane su san matsayin su kan cutar ta HIV.

Dr Aminu Ibrahim Tsanyawa ya ƙara da cewa akwai mutane sama da dubu talatin da biyar ne suke karɓar magani a shiyoyin da aka tanadar.

Kwamishinan lafiya na jihar Kano Dr Aminu Ibrahim Tsanyawa yayi kira ga al’umma da su daina kyamatar masu ɗauke da cuta mai karya garkuwar jiki wato HIV.