Rundunar yan sanda ta ja kunnen masu zuwa rumfunna zabe da dabbobi

Rundunar ‘yan sandan Nijeriya, ta yi jan kunne ga masu zuwa rumfunan zabe da dabbobi musamman ma karnuka da sauran dabbobi masu hatsari.

hakan na kunshe ne ta cikin wata sanarwa da jami’in hulɗa da jama’a na rundunar ya fitar.

Sanarwar ta ce, sashe na 126 na dokar zaɓe ta bara ya bayyana ƙarara cewa yin hakan saɓa doka ne.

Haka kuma sanarwar ta rundunar yan sanda ta ce, zuwa rumfunan a ranar zabe da irin wanan dabbobi laifi ne da aka tanadar wa hukunci ƙarƙashin dokar riƙe makami, domin razana masu kaɗa ƙuri’a da jami’an zaɓe.