Saboda na ki shiga PDP shi ya sa aka dakatar dani daga sarautar wakilin birnin Bauchi

Ɗan majalisar wakilai mai wakiltar mazabar Bauchi Yakubu Shehu Abdullahi, ya ce, gwamnan jihar ta Bauchi sanata Bala Abdulkadir Muhammed, shine ya sa aka dakatar da shi daga sarautar wakilin birnin Bauchi saboda kawai yaki amincewa ya shiga jam’iyyar PDP.

A baya-bayan nan ne dai masarautar ta Bauchi ta ba da sanarwar dakatar da Yakubu Shehu Abdulahi daga sarautar ta wakilin birnin Bauchi.

Sai dai a zantawarsa da manema labarai Yakubu Shehu Abdullahi, ya ce, gwamnan jihar Bauchi sanata Bala Abdulkadir Muhammed, ya yi zawarcinsa lokacin yana jam’iyyar PRP akan ya sauya sheka zuwa jam’iyyar PDP, inda shi kuma ya ki amincewa da bukatar hakan, maimakon haka sai ya koma jam’iyyar sa ta farko APC.

Sai dai da ya ke mai da martani kan kalaman ɗan majalisar, mai bai wa gwmanan Bauchi shawara kan harkokin yada labarai, Mukhtar Gidado, ya bayyana kalaman ɗan majalisar da cewa shifcin gizo ne