Shugaba Buhari ya mika ta’azziyar sa ga iyalan farfesa Sophie Oluwale

Shugaban kasa Buhari ya aike da ta’azziyar sag a ‘yan uwa da iyalan marigayiya farfesa Sophie Oluwole mai aziki kuma mace ta farko da ta sami digiri na 3 kan ilimin falsafa a kasar nan.

Farfesa Sophie Oluwole ta rasu ne a ranar Lahadin da ya gabata a gidan ta dake Ibafo dake jihar Ogun tana da shekaru 83.

Wannan na kunshe cikin sanarwar da mashawarcin shugaban kasa kan kafafan yada labarai Femi Adesina ya fitar cewa shugaban ya nuna alhinin sa bisa rashin farfesar a bangaren falsafa, yana mai cewar a Najeriya ta yi babbar rashi.

Muhammadu Buhari ya kara da cewar, bangaren ilimin falsafa ya samu nakasu ganin yadda marigayiyar ke bada gudunmawa a Najeriya.