Shugaba Buhari ya nemi majalisa ta sahale masa cin bashin Dala miliyan 800

Shugaban kasa Muhammadu Buhari, ya aike wa majalisar dattawa takardar neman sahale masa sake ciyo bashin Dalar Amurka har miliyan 800, daga bankin duniya domin rage raɗaɗin da za a shiga saboda cire tallafin man fetur.

Hakan na zuwa ne bayan sanarwar gwamnatin tarayya cikin watan Aprilu, na bayar da tallafin Dala miliyan 800 na bankin duniya ga ƴan Nijeriya masu rauni su kimanin miliyan 50 kimanin gidaje miliyan 10.

A cewar Ministar kuɗi da kasafi da tsare-tsare, Zainab Ahmad Shamsuna, za a rarraba tallafin ne bisa shirin da aka yi na cire tallafin mai a watan Yunin bana.