Shugabancin wasanni a Duniya na bukatar bakaken fata- Maggie Alphonsi

Yar wasa Maggie Alphonsi ta ce tana so ta zama shugabar hukumar kwallon Rugby ta Duniya a nan gaba, a cewar ta shugabancin hukumar na bukatar bakaken fata yadda ya kamata.

Alphonsi, data taba lashe gasar Rugby ta Duniya itace kadai bakar fata mace data taba fitowa ta nuna sha’awarta na son shugabantar hukumar.

Tsohuwar ‘yar wasan ta kuma ce samun bakaken fata a harkokin shugabancin wasanni yadda ya kamata zai kawo hadin kai tare da kaucewa nuna wariyar launin fata