Super Eagles za ta kai gasar kofin duniya- Amaju Pinnick

Shugaban hukumar kwallon kafa ta kasa NFF Amaju Pinnick ya ce ya nada tabbaci tawagar Super Eagles ka iya buga gasar cin kofin duniya ta shekarar 2022 a kasar Qatar.

Pinnick ya bayyana haka ne a wani sako da ya wallafa a shafinsa na Twitter jim kadan bayan ganawa da mambobin hukumar a birnin London.

Najeriya dai na shirin fafatawa da kasar Ghana a wata mai kamawa, wanda hakan zai bawa kasashe biyar damar buga gasar da sune zasu wakilci nahiyar afrika a gasar.

“Duka wani shiri da zamuyi mun kammala, bayaga a gefe guda muna kara yin wasu ta karkashin kasa na ganin mun bawa marada kunya a gasar da zata gudana a shekarar 2022,”

“Domin ganawar da mukai tsakanin masu ruwa da tsaki da mai horar da tawagar har mada ‘yan kwamitin tawagar, tattaunawar da mukai matuka ta kasance gwanin ban sha’awa,” a cewar Amaju Pinncik.

Tawagar Super Eagles dai na yunkurin kasancewa cikin kasashe biyar da zasu wakilci nahiyar afrika domin buga gasar kofin duniya a kasar kasar a shekarar 2022 da muke ciki.