Tokyo 2020: ‘Yar wasan Najeriya ta lashe lambar yabo

‘Yar wasan Najeriya dake rike da kambun tarihin Afirka, Ese Brume ta bayyana farin cikin ta na samun nasarar lashe lambar yabo ta farko ga Najeriya a gasar Olympics ta 2020.

Brume ta lashe lambar yabon ta farko ga tawagar ‘yan wasan Najeriya a wasanni tsalle mai dogon zango na mata a gasar dake gudana yanzu haka a birnin Tokyo.

‘Yar wasan tayi nasarar zuwa ta uku inda Britney Reese ta Amurka ta zo ta biyu, yayin da Malaika Mihambo ta Jamus ta zo ta daya.

Kamfanin dillanci labarai na kasa, NAN ya ruwaito cewa Najeriya ta samu kautar Tagulla sai Amurka da ta samu Azurfa Jamus kuma ta samu Zinare.