Tsohon sanata ya shiga kungiyar Agaji ta JIBWIS a jihar Nasarawa

Wani tsohon sanata a jihar Nasarawa kuma jigo a jam’iyar APC ya zama Dan agaji a kungiyar JIBWIS, abinda ya Dau Hankalin Al’umar jihar.

Sai dai wasu ‘yan jam’iyyun adawa na ci gaba da sukan lamarin inda sukace Sanatan ya makara domin a cewar su me ya hana shi shiga kungiyar Agajin tun yana kan kujerar sai yanzu, da ya rasa madafan iko.

Tuni dai tsohon sanatan Abubakar Danso Sodangi, ya ce ya shiga kungiyar agajin ne don taimakawa addinin Musulunci.

Danso Sodangi ya wakilci Nasarawa ta yamma daga shekarar 1999 zuwa 2011.