Victor Osimhen zai dawo daukar horo – Luciano Spaletti

Mai horas da kungiyar kwallon kafa ta Napoli Luciano Spaletti ya ce dan wasan gaban Najeriya da Napoli Victor Osimhen zai dawo wasa a farkon watan da muka shiga Nuwambar 2021.

Osimhen ya ji rauni dai a wasan da kungiyar sa ta doke Salernitana a gasar cin kofin zakaru turai ta Europa.

Luciano Spaletti ya ce yana fatan dan wasan zai buga wasan da Napoli za ta buga da Verona a ranar lahadi 6 ga watan Nuwambar 2021, sai dai bazai samu damar buga wasan da za su buga a tasakiyar mako ba, a karawar da za su yi da Legia Warsaw a gasar Europa League.

Dan wasan mai shekara 22 ya buga wasanni 8 da kungiyar ta sa ta fafata, sai dai bai wakilce su a wasan da Napoli ta doke Salernitana ba.

Dan wasan ya buga mintuna 705 a kakar wasanni ta bana, inda ya jefa kwallaye biyar.