Wasan Sada Zumunta : Super Eagles ta gayyaci sabbin ‘yan wasa

Mai horas da kungiyar kwallon kafa ta kasa, Gernot Rohr, ya gayyaci karin ‘yan wasan kasar nan shida da suke taka leda a kungiyoyin kwallon kafa daban-daban a fadin duniya, domin shiga tawagar ‘yan wasan da zasu fafata a wasannin sada zumunta da kasar Ivory Coast da Tunisia.

Za dai a fafata wasannin ne a kasar Austria a ranar tara da kuma goma sha uku ga watan Oktoba mai zuwa.

‘Yan wasan sun hadar da Chidera Ejuke dake wasa a CSKA Moscow da Frank Onyeka dake taka leda a FC Midtjyllad da Samson Tijjani da Zaidu Sanusi dake FC Porto da Matthew Yakubu dake a SKF Sered da kuma Cyril Dessers.

Dan wasan Manchester City Gundogan ya kamu da cutar

Ya kamata gwamnati tayi dokar gwada lafiyar ‘yan wasa – Dr. Ayodeji

Wannan shine karo na farko da Najeriya ta mika goron gayyata ga ‘yan wasan guda biyar a cikin su, yayin da ya zama karo na biyu ga Cyril Dessers.

Gernot Rohr ya ce zai ajiye mai tsaron gida Francis Uzoho wanda a baya-bayan nan ya warke, sakamakon rauni da ya ji a wasan sada zumunta da aka fafata da kasar Brazil a shekarar da ta gabata.