WorldSightDay: An yiwa masu larurar ido aiki kyauta a Kano

Asibitin idanu na Makka da ke nan Kano, ya gudanar da aikin idanu kyauta tare da yin gwaje-gwaje ga masu fama da lalurar idanu a wani mataki na saukakawa al’umma halin matsin rayuwa da suke ciki.
Shugaban asibitin Alhaji Yusuf Ahmad ne bayyana hakan a yau lokacin da ya ke kaddamar da yiwa masu fama da lalurar idanu kyauta a wani bangare na bikin ranar idanu ta duniya da a ke gudanarwa a yau.
Wasu da suka ci gajiyar aiki tare da magani kyauta sun bayyana farin cikin su bisa taimakon da aka yi muus.
Wakilinmu Yusuf Ali Abdallah ya rawaito cewa asibitin ya karbi marasa lafiyar idanu daga kananan hukumomi arba’in da hudu na jihar Kano, inda kuma aka yi musu gwaji da basu magani kyauta yayin da wasu kuma za a yi musu aiki.