Yadda aka samu karuwar masu dauke da cutar COVID-19 a Najeriya

Hukumar dakilen cutuka masu yaduwa ta Najeriya NCDC ta ce an samu karin mutum dari da talatin da biyu na adadin wadanda suka harbu da cutar Corona jiya Litinin a fadin Najeriya.

Hukumar a shafinta na Twitter ta ce mutum dubu hamsin da shida da dari uku da tamanin da takwas ne aka tabbatar sun harbu da cutar tun daga bullarta Najeriya kawo yanzu.

Sama da mutum dubu daya ne annobar ta yi ajalinsu a Najeriya.

Hukumar lafiya ta duniya WHO ta ce sama da mutum dubu dari uku ne suka harbu da cutar cikin sa’o’I ashirin da hudu a fadin duniya.