‘Yan bangar siyasa sun kaiwa Kwankwaso hari

Wasu da ake zargin ‘yan bangar siyasa ne sun kai wa kwanbar motocin tsohon ministan tsaro kuma gwmanan jihar Kano Sanata Rabi’u Musa Kwankwaso a nan Kano.

Wannan na kunshe cikin sanarwar da mai magana da yawun dan takarar gwamnan jihar Kano Abba Kabir Yusuf na jam’iyyar PDP Ibrahim Adam ya fitar cewa an kai wa kwanbar motocin Kwankwason hari ne a kusa da wani Otal a nan jihar Kano.

‘Yan bangar dai sun lalata motoci uku daga cikin jerin motocin Sanata Rabiu Musa Kwankwaso.

A dai jiya ne jam’iyyar PDP ta kammala zaben cikin gida bayan da uwar jam’iyyar PDP ta bayyana cewa Sanata Rabi’u Musa Kwankwaso shi ne jagoran jam’iyyar a nan Kano.