‘Yan bindiga sun kai hari a Kaduna

Wasu ‘yan bindiga sun kai hari yankin Buda dake karamar hukumar Kajuru cikin jihar Kaduna tare da kashe mutane uku.

Shugaban kungiyar mutanen yankin Awemi Maisamari ne ya tabbatar da faruwar lamarin, inda ya ce an yi garkuwa da wasu da dama yayin harin.

Maisamari cikin wata sanarwar da ya fitar na cewa, harin ya faru ne a daren jiya Lahadi lokacin da mutane ke tsaka da bacci.

Harin na baya-bayan nan na zuwa ne, biyo bayan rahoton da Mai shari’a Isa Aliyu ya mikawa Gwamnan jihar ta Kaduna Nasir El-Rufa’i kan rikice-rikicen kudancin jihar.