Yan bindinga sun sace mutane 15 a wani farmaki

Wasu ‘yan bindiga sun kai farmaki yankin Oluwalose dake Okolowo’n jihar Kwara, inda sukai awon gaba da mazauna yankin da daama.

Rahotannin sun tabbatar da cewa ‘yan bindigar, sun yiwa kauyen ‘kawanya da tsakar daren jiya Talata tare da harbi kan mai uwa da wabi.

Wani mazaunin yankin ya tabbatarwa da Nigerian Tribune cewa, akalla mutane 15 aka sace, ciki har da shugaban al’ummar yankin Mista Buhari Tunde.

Sai dai jami’in hulda da jama’a na rundinar ‘yan sandan jihar ya ce, suna kan kokarin yin duk mai yiyuwa wajen ganin a ceto su.