‘Yan Najeriya sun kamo hanyar dawowa gida daga kasashen Malaysia da Thailand

Hukumar kula da ‘yan Najeriya mazauna kasashen ketare ta ce a yanzu haka wasu ‘yan Najeriya da suka makale a kasashen Malaysia da Thailand sakamakon cutar Corona na kan hanyar su ta dawowa gida.

Hukumar ta bayyana hakan ne ta shafin ta na Twitter tana mai cewa mutanen sun taso ne daga filin jirgin saman Malaysia dana Kaula Lampour dake kasar Thailand cikin jirgin saman Air Peace inda kuma zasu sauka a biranen Abuja da Lagos a yau.

Sanarwar da hukumar ta wallafa, ta ce wannan shine karo na farko da aka fara kwaso ‘yan asalin kasar nan daga wadannan kasashe biyu, tun bayan da aka fara annobar Covid-19.

Mutanen sun baro kasashen biyu ne da misalign karfe 7 na safiyar yau, kuma anan sanya rana zasu sauka a filayen jiragen saman Nnamdi Azikiwe da ke birnin tarayya Abuja da kuma Murtala Muhammad da ke jihar Lagos.