‘Yan wasa biyu a Manchester City sun kamu da COVID-19

‘Yan wasan kungiyar kwallon kafa ta Manchester City, Riyad Mahrez da Aymeric Laporte sun kamu da cutar Corona.

Kungiyar ce ta tabbatar da haka a wata sanarwa da ta fitar, inda ta ce an rigaya an killace ‘yan wasan, domin ci gaba da karbar magani.

Manchester City dai za ta fafata a wasan farko da kungiyar Wolves a gasar firimiyar kasar Ingila a ranar 21 ga wannan watan da muke ciki.