Yanzu-yanzu: Allah ya yiwa ƴar Malam Pantami rasuwa

Ƴar ministan sadarwa na ƙasa Malam Isah Ali Pantami ta rasu.

Ministan ne ya sanar a shafinsa na Facebook ya ce, ƴarsa mai suna Aisha Isah Ali wadda aka fi sani da Amal ta rasu.

Pantami ya ce, marigayiyar na da shekaru kusan 13.

Sai dai ministan ya ce, saboda wasu uzrori ba za a samu yin jana’izarta ba sai zuwa ranar Talata.

Ya ce, za a yi mata sallah a masallacin Annur da ke Abuja da ƙarfe 1:15 na rana bayan sallar Azahar.