Yanzu-yanzu: Dan wasan Nasarawa Utd ya mutu ana tsaka da wasa

Dan wasan baya na kungiyar kwallon kafa ta Nasarwa United dake birnin lafiya, ya rasu a filin Kwallo yayin da ake tsaka da wasa, bayan sun yi taho mu gama da dan wasan kungiyar Katsina United a wasan Firimiya ta kasa mako na 23.

Dan wasa Chieme Martins, ya mutu nan take a filin wasa duk da kokarin da akayi na a samu ceto shi daga buguwar da yayi a kansa, amma hakan ya ci tura kafin daga baya, ya rasu.

Wakilin mu Aminu Halilu Tudun wada ya rawaito mana cewa ana kokarin garzaya da shi zuwa Asibiti Jim kadan bayan faduwar sa, amma kasancewar rasuwar tashi ta tsaida yunkurin tafiya can don ceton ran nasa.

Wasan dai Kungiyar Nassarwa United ta samu nasara da ci uku da nema akan Katsina United, inda dan wasa Ohanocham, ya zura kwallaye uku a mintina na 50, 61 da 88.