Yanzu-yanzu: ASUU ta janye yajin aiki

Kungiyar malaman jami’o’I a Najeriya ASUU, ta janye yajin aikin da ta dauki tsawon watanni tara tana yi.

Shugaban kungiyar a kasar, Farfesa Biodun Ogunyemi, ne ya sanar da hakan a wani taron gaggawa da kungiyar ta shirya a Abuja.

Farfesa Biodun, ya ce janye yajin aikin na zuwa ne bayan tattaunawa da suka yi da majalisar zartaswar kungiyar.

A ranar Talata ne kungiyar malaman jami’o’in ta yi zaman tattaunawa da ministan kwadagon kasar Chris Ngige, domin cimma matsaya kan bukatun bangarorin biyu.