Yanzu-yanzu: El-rufa’i ya naɗa sabon sarkin Zazzau

Gwamnan jihar Kaduna Malam Nasir El-rufai ya sanar da naɗin Alhaji Nuhu Bamalli a matsayin sabon sarkin Zazzau na goma sha tara.

Wannan na cikin wata sanarwa mai ɗauke da sa hannun kwamishinan ƙananan hukumomi na jihar Kaduna Ja’afaru Ibrahim Sani.

An dai shafe sama da mako biyu bayan rasuwar sarkin Zazzau marigayi Dr. Shehu Idris kafin sanar da sabon Sarki.