Yanzu Yanzu Nasir El Rufa’i ya ziyarci tsohon sarkin Kano a Awe

Wani rahoto da ga jaridar Daily Trust , ya  tabbatar da cewa gwamnan jihar Kaduna Malam Nasir El Rufa’i, ya ziyarci tsohon sarkin Kano Malam Muhammadu Sunusi , a gidan da aka kai shi  zama dake garin Awe, na jihar Nassarawa da safiyar yau Alhamis.

Rahotannin sun tabbatar da cewa , gwamnan ya je ziyarar ne don  ganin halin da sarkin yake ciki tare da ganawa da shi,  wanda hakan ya sa shine gwamna na farko da ya kai ziyara  ga tsohon sarkin bayan tumbuke shi daga mulki da gwamnatin jihar Kano tayi a ranar Litinin din makon da muke ciki.

Labarai masu alaka.

Tawagar jami’an tsaro na rakiyar fita daga fada ga Sarki Sunusi

An nada Sarkin Bichi Sabon Sarkin Kano

A baya dai wasu sarakuna na jihar Nassarawa, sunyi kokarin ziyartar tsohon sarkin amma jami’an tsaron da  aka girke da ke lura da shi, suka hana su shiga wajen.