Yawan wadanda suka kamu da cutar Korona ya kai dubu 49895

Cibiyar dakile yaduwar cututtuka ta kasa NCDC ta ce a jiya Talata an samu karin wadanda suke dauke da cutar corona a kasar nan su dari hudu da da goma.

Hakan na cikin sanarwar da NCDC ta wallafa a shafin ta na Twitter a daren jiya inda ta ce mutane hudu sun rasu a sanadiyyar cutar.

Yanzu haka dai kasar nan a da adadin wadanda suka kamu da cutar da yawan su ya kai dubu arba’in da tara da dari takwas da casa’in da biyar cikin gwaji da aka yiwa mutane dubu dari uku da hamsin da biyar da dari daya da casa’in da shida.

A cewar sanarwar da NCDC ta wallafa a shafin ta na Twinteer wadanda suka kamu da cutar  dari 410 sun fito ne daga jihohi 16 har da babban birnin tarayya Abuja.