Za a yiwa Boss Mustapha da Ministoci riga-kafin Korona

A Litinin ɗin nan ne ake sa ran sakataren Gwamnatin tarayya Boss Mustapha da ministocin ƙasar nan baki-ɗaya za ayi musu allurar riga-kafin annobar Covid-19-19.

Sauran waɗanda ake sa ran za a yiwa riga-kafin na Corona sun haɗa da ƴan kwamitin shugaban ƙasa da ke yaƙi da cutar Korona.

Daraktan yaɗa labarai a ofishin sakataren Gwamnatin tarayya Willie Bassey ne ya sanar da hakan ta cikin wani saƙo da ya fitar a ranar Lahadi.

Wannan na zuwa ne awa arba’in da takwas bayan da aka yi allurar riga-kafin ga shugaba Buhari da mataimakinsa Farfesa Yemi Osinbajo.