Za’a gudanar da zabe a jihar Edo – INEC

Hukumar zabe mai zaman kanta ta kasa INEC ta ce ta shirya tsaf domin tunkarar zaben Gwamnan da za’a gudanar ranar sha tara ga watan gobe na satumba a jihar Edo.

Shugaban hukmar Farfesa Mahmud Yakubu ne ya bayyana hakan lokacin da yake zantawa da manema labarai a Benin baban birnin jihar.

A cewar sa yazama dole jama’a su dauki matakan kariya yayin gudanar da zaben domin gudun yaduwar annobar cutar Corona a ake ciki halin yanzu.

Farfesa Mahmud Yakubu ya ce nan gaba kadan ne kuma zasu ziyarci kananan hukumomin jihar guda goma sha takwas domin duba halin da ofisoshin hukumar ta INEC suke ciki, Inda yayi fatan za’ayi zaben lafiya a km agama lafiya.