Zabe : Dan Najeriya na neman kujerar gwamna a Amurka

Wani dan Najeriya mazaunin kasar Amurka Austin Chenge, ya shiga  sahun  ‘yan takarar neman zama Gwamnan a jihar Michigan dake kasar Amurka.

A wata sanarwa da shugaban sashen yada labarai da hulda da jama’a na hukumar ‘yan kasar nan mazauna kasashen ketare ta NidCOM, Abdul-Rahman Balogun,ya fitar ta sanar da cewar Chenge dan asalin jihar Benue zai fafata da dan majalisa Lamar Smith, a karkashin jam’iyyar Republican.

Jaridar THE NATION wacce ta wallafa labarin ta ruwaito cewa  Austin Chenge,  Mai shekarun 34,  ya bayyana niyyar sa ta tsayawa takara ta neman zama gwamnan na jihar Michigan a watan Maris da ya gabata a karkashin jam’iyyar ta Republican.

Siyasar Kano: Mahangar masana kan zaben kananan hukumomi

Kwankwaso ne sirrin nasarar lashe zaben Edo – Sulaiman Mai Kasuwa Rano

Chenge, wanda yake Sojan kasar ta Amurka ne ya yi karatun lauya a Jami’ar Birmingham dake kasar Ingila.