Zamu inganta wasan kwallon kafa na 5 a side a Kano – Ganduje

Gwamnatin jihar Kano ta ce za ta inganta wasan kwallon kafa mai taken 5 a side a jihar.

Gwamna Dakta Abdullahi Umar Ganduje ne ya bayyana hakan a yau Laraba 27 ga watan Oktobar 2021, yayin da yake ganawa da yan wasan kwallon kafa na Kano a gidan Gwamnatin jihar.

Ya ce, “wasannin kwallon kafa na 5 a side wasa ne da ya mata a ce al’ummar jihar Kano sun yi fice a kan sa duba da yadda suke gudanar da al’amuran wasannin na kwallon kafa”.

Ya ce yanzu haka gwamnati na nan na gudanar da aikace-aikace na musamman a filin wasa na Kano Pillars dake kofar Mata domin ganin kungiyar ta dawo ci gaba da wasanninta a gida.