Zargin rashin ƙwarewa: An rufe asibitin Al-ziyadah clinic da ke Na’ibawa

Hukumar kula da asibitoci masu zaman kansu ta jihar Kano PHIMA ta rufe wani asibiti mai zaman kansa mai suna Al-ziyadah clinic da ke unguwar Naibawa ƴan katako.

Rufe asibitin dai ya biyo bayan samun wani rahoto, na wasu dabi’u da ake yi a sibitin, da kuma rashin kula da marasa lafiya yadda ya kamata, baya ga shan miyagun kwayoyi.

Hakan na cikin wata Sanarwa da mai magana da yawon hukumar Abba Ɗalha ya raba wa manema labarai a yau.

Sanarwar ta kuma bayyana cewa, an gano asibitin yana kula da majinyata masu tu’ammali da kayan maye, wanda kuma ya saɓa dokokin asibitin.

A cewar sanarwar, asibitin zai ci gaba da kasancewa a rufe har sai an kammala gudanar da bincike.