Ƴan siyasa ne suka taɓarɓare Najeriya – Rochas Okorocha

Tsohon gwamnan jihar Imo kuma sanata a majalisar dattawan Najeriya, Rochas Okorocha, ya zargi yan siyasar ƙasar nan da hannu wajen taɓarɓarewar al’amuran ta.

Sanata Rochas ya ce rashin bai wa masu kishin kasa damar mulkar ƙasar nan, na daga cikin dalilan da suka sanya ake samun ƙaruwar masu neman a raba ƙasar.

Sanatan ya bayyana hakan ne, a yayin tattaunawarsa da BBC Hausa anan Kano, inda ya ce idan har ‘yan siyasa suka yadda da za su samar da haɗin kai a tsakanin jama’a, to kuwa za a cimma manufa.

Rochas ya kuma ce, abu ne mai wahala a samu warwarewar matsalar, matukar yan siyasa ba su cire son kan su ba, tare da sanya buƙatar al’umma a gaba.