An kaddamar da sabon masallacin sarkin musulmi a Kano

Mai alfarma Sarkin musulmi Alhaji Sa’ad Abubakar na uku ya ja hankalin al’ummar musulmi da su ji tsoron Allah cikin al’amurran su na yau da kullum don samun tsira.

Mai alfarma Sarkin musulmi Alhaji Sa’ad Abubakar ya yi jan hankalin ne ta cikin hudubar sallar juma’ar da ya jagoranta a masallacin juma’a na Sultan Abubakar na uku da ke karamar hukumar Gezawa a nan Kano.

Haka kuma Sarkin ya bukaci musulmi da su kara riko da sunnar fiyayyen halitta annabi Muhammad S.A.W.
Wakiliyarmu Aisha Shehu Kabara da ta yi sallah a masallacin ta ruwaito cewar yau ne aka bude masallacin na Sultan Abubakar na uku a garin Gezawar.