Buhari ya shirya yakar Corona a Kano

Gwamanatin tarayya ta ce a shirye take da ta tallafawa jihar Kano da dukkan abinda take bukata domin yakar cutar Corona.

Shugaban tawagar masana daga fadar shugaban kasa da suka zo Kano yau Talata Dakta Nasir Sani Gwarzo ne ya bayyana hakan lokacin da suka kawo ziyara fadar Gwamnatin Kano.

Ya kara da cewa makasudin zuwan su Kano shi ne domin su isar da sakon shugaban kasa dana ministan lafiya dongane da Cutar Corona.

Yace adon hakane aka bukace su dasu tuntubi abinda ake bukata na tallafi tare da tsayawa ayi komai dasu.

Da yake jawabi gwamnan Kano Abdullahi Umar Ganduje yayin ziyarar tasu  jinjinawa shugaban kasa ya yi tare da tabbatar da cewa za su basu dukkan goyon bayan da ya kamata a aikin na su.

Gwamnan na Kano ya ce daga cikin abinda gwamnatin Kano ke bukata akwai karin wasu cibiyoyin gwajin cutar ta Corona a jihar ta Kano.