Farashin ɗanyen man Brent ya yi tashin goron zabi a kasuwar duniya

Farashin ɗanyen man Brent ya haura dala 100 kan kowace ganga a kasuwar duniya a yau Laraba.

Rahotonni sun bayyana cewa, wannan ne karon farko tun watan Yuli da farashin mai ya haura dala 100, yayin da ake ci ga gaba da zaman ɗar-ɗar a Gabas ta Tsakiya.

Farashin man ya ci gaba da hauhawa a hankali a cikin ƴan makonnin nan, har ya haura dala 100.

BBC ta ruwaito cewa, harin da ƴan Houthi na Yemen suka kai kan cibiyoyin mai na Saudiyya a wannan makon ya haddasa gobara a cibiyar.

Haka kuma ta kara da cewa, lamarin na iya yin barazana ga jigilar ɗanyen mai ta Tekun Maliya, wadda ke zama wata hanya ta daban bayan mashigar Hormuz.