Kano : Ma’aikatu 2 za su hada kai don yaki da cutar Coronavirus

Ma’aikatar yada labarai ta jihar Kano ta ce zata hada gwiwa da maaikatar lafiya ta jihar Kano domin wayar da kan mutane kan irin shirye-shiryen da gwamnatin Kano tayi domin hana cutar COVID-19 shigowa jihar Kano.

Kwamishinan yada labarai na jihar Kano Malam Muhammad Garba ne ya bayyana hakan a yau lokacin taron maneman labarai na hadaka tsakanin ma’aikatar lafiya da maaikatar yada labarai ta Jihar Kano.

Kwamarred Muhammad Garba ya kara da cewa duba da yadda cutar ke cigaba da yaduwa a kasashen duniya ciki har da Nigeria yasa suka ga yadace su hada karfi wajen wayar da kan mutane matakan kariyar daya kamata a dauka daga kamuwa daga cutar ta Coronavirus.

Hisbah ta gano maganin Coronavirus

An dakatar da gasar Firimiyar kasar Ingila sabo da-Corona

Covid-19: Buhari ya hana jami’an gwammati fita kasashen waje

Wakiliyar mu ta fadar Gwamnatin Kano Zahra’u Nasir ta ruwaito cewa, a ya yin taron kwamishinan lafiya na jihar Kano ya shawarci mutane da su rika kaucewa cunkoso in da yace tuni gwamanatin Kano ta kammala shiry-shirye a filin jirgin sama musamman duba lafiyar fasinjojin da suka dawo kasar nan ta filin jirgin saman Malam Aminu Kano.