Connect with us

Kiwon Lafiya

Hisbah ta gano maganin Coronavirus

Published

on

Hukumar Hisbah ta jihar Kano ta ce ta gano maganin cutar Coronavirus da ta addabi al’umma a sassa daban-daban na duniya.

Babban kwamandan hukumar Hisbah Sheikh Muhammad Haroun Ibn Sina ne ya bayyana hakan ta cikin wani faifan sauti mai tsawon mintuna biyar da ya wallafa ta shafinsa na Facebook a ranar Litinin.

Ibn Sina ya ce, babban maganin cutar Coronavirus shi ne komawa ga Allah ta hanyar neman gafararsa, yin istigfari da kuma yin riko sau da kafa da bautar Allah.

Wannan cuta tana daga cikin cutukan da manzon tsira Annabi (s.a.w) ke neman tsari da su, a cewar Ibn Sina.

Babban kwamandan ya ce, abinda ya jawo wannan cuta shi ne yawon sabon Allah da al’umma keyi, inda yace take dokokin Allah da jama’a keyi sun kai Allah ya jarrabemu da cuta ma fiye da Coronavirus.

Karin labarai:

Daliban Kano a Sudan sun nemi a dawo dasu gida saboda Coronavirus

Covid-19: Masana a Kano sun yi tsokaci kan Coronavirus

A karshe Sheikh Ibn Sina ya ja hankalin al’umma kan suyi watsi da duk wasu bayanai da ake yadawa, na cewa al’umma suyi amfani da Albasa ko Tafarnuwa da sunan maganin cutar ta Coronavirus.

A yanzu dai za a iya cewa hukumar Hisbah ta bi bayan sauran hukumomi da sauran masu ruwa da tsaki a kasar nan da suka shiga jan hankalin al’umma tun bayan bullar cutar ta Coronavirus a Najeriya.

Idan zaku iya tunawa dai, baya ga matakan da gwamnatin tarayya ta dauka kan cutar, ita ma gwamnatin jihar Kano ta samar da lambobin gaggawa da jama’a za su rika tuntuba a duk lokacin da suka ji alamomin cutar.

Click to comment

You must be logged in to post a comment Login

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Copyright © 2019. Freedom Radio Group. All Rights Reserved.

error: Content is protected !!