Gwamnatin jihar Bauchi ta kaddamar da shirin Allurar Rigakafin cutar Amai da Gudawa

Gwamnatin jihar Bauchi, ta kaddamar da shirin Allurar Rigakafin cutar Amai da Gudawa na Cholera don kaucewa barkewar annobar a jihar.

Gwamnan jihar Bala Mohammed, ne ya kaddamar da shirin a ranar 28 ga watan Yuli a babban birnin jihar na Bauchi.

Yace shirin na Rigakafin wanda ake durawa ta baki za’ayi shi ga al’ummar jihar kyauta, a yunkurin samarwa da al’umma ingantacciyar lafiya.

Gwamnan ya kuma ce, za a yi aiki kafada-da-kafada da gwamnatin tarayya wajen samar da wadatatun kayan aikin lafiya.

Ya kuma bukaci malaman adddini da shugabannin al’umma da su cigaba da wayar da kan al’ummar jihar don kare kan su da kuma karbar rigakafin.