Har yanzu lockdown na nan a Kaduna – Inji El-Rufa’i

Gwamnatin jihar Kaduna ta ce har yanzu dokar lockdown na nan, wato dai mutane zasu cigaba da zama a gida suna wanke hannu har zuwa lokacin da gwamnati zata ga dacewar a sassauta dokar.

Gwamna Nasir El-Rufa’I ne ya bayyana hakan a shafin gwamnatin jihar na Twitter da yammacin ranar Lahadi.

Dokar dai na nan har zuwa ranar Talata, wato ranar da wa’adin dokar makon biyu da aka kara za ta kare.

Gwamnatin ta ce kasuwanni da wuraren ibadu da sauransu za su ci gaba da kasancewa a rufe.

Ranar Talata 9 ga watan Yunin, 2020 ita ce ranar da Gwamnan Jihar Kaduna, Malam Nasir Ahmad El-Rufa’i zai gabatarwa da mazauna jihar bayani game da matakan da gwamnati za ta kara dauka a kokarin da take yi na dakile yaduwar cutar Korona Bairos.