Hukumar DSS ta tabbatar da cafke Baffa Hotoro

Hukumar tsaro ta DSS a jihar Kano, ta ce, ta cafke Malamin nan Baffa Hotoro da ake zargi da yin sakin baki ga Manzon tsira S.A.W

Hukumar, ta tabbatar wa da Freedom Radio cewa tana tsare da Baffa Hotoro tun daga ranar Alhamis din makon nan.

Tun a watan azumin da ya gabata ne gwamnatin Kano ta sanar da cewa an kama Malamin, sai dai daga bisani Baffan ya fito a bidiyo ya musanta cewa, an kama shi a wancan lokaci.