Hukumar INEC ta ci gaba da tattara sakamakon zaben shugaban kasa

Hukumar zabe mai zaman kanta ta Najeriya INEC, ta ci gaba da tattara sakamakon zaben shugaban kasa da aka gudanar a ranar Asabar daga jihohin 36 da kuma babban birnin tarayya Abuja.

A daren jiya Lahadi ne dai hukumar ta sanar da cewa ta dage ci gaba da karbar sakamakon zuwa yau Litinin saboda rashin isowar sakamkon a kan lokaci.

Tun a jiya dai jihar Ekiti ce ta fara mika sakamakonta, sai kuma da safiyar yau jihohin Lagos da Kwara da Gombe da kuma Akwa Ibom suka mika na su.