JAMB Ta saki sakamakon da ake dako

Hukumar shirya jarrabawar shiga makarantun gaba da sakandire ta kasa (JAMB) ta baiwa daliban da suka zauna jarrabawar shekarar 2020 damar fitar da sakamakon su na jarrabawa, Wanda aka dakatar sakamakon barkewar annobar Cobid-19.

Hakan na cikin mujallar da hukumar ke fitarwa a duk mako, mai dauke da sa hannun jami’in yada labaran hukumar Dakta Fabian Benjamin.

JAMB ta saki sakamakon jarabawar UTME na bana

Har yanzu bamu tsayar da makin samun gurbin shiga jami’a ba -JAMB

Ta cikin sanarwar da hukumar ta fitar a jiya Lahadi ta kuma bayyana cewa, a yanzu haka kowanne dalibi zai iya fitar da sakamakon jarrabawar sa a shafin hukumar na website, bayan da hukumar ta aikewa da daliban sakamakon su ta wayar hannun tun da fari.

Sanarwar ta kuma ce, hukumar ta (JAMB) tayi wani zama na musamman ta internet da shugabannin jami’o’in kasar nan, don fitar da nagartaccen tsarin da za’a bi wajen baiwa dalibai gurabe, duk da yadda ake fama da annobar ta Covid-19.