Jami’ar Bayero ta dawo da malaman kwantaragi

Jami’ar Bayero ta mayar da malaman kwantaragin da ta sallama daga aiki.

A baya hukumar gudanarwar jami’ar ta sallami malaman, sakamakon sabon tsarin biyan albashi na bai daya da gwamnatin tarayya ta bullo da shi.

Freedom radio ta zanta da daya daga cikin malaman da aka mayar bakin aiki, Dakta Sa’idu Ahmad Dukawa, wanda ya tabbatar da cewa an bashi takardar shaidar fara aiki.