Labari mai dadi: Masu Corona 74 sun warke a Kano

Gwamnatin jihar Kano ta tabbatar da cewa mutane 74 sun warke daga cutar Covid-19 a jihar.

Ma’aikatar lafiya ta Kano ta sanar a daren ranar Talata da karfe 11:50 na dare cewa a ranar kadai an samu karin mutane 27 da aka gano suna dauke da cutar a Kano.

Yazuwa yanzu mutane 693 ne suka kamu da cutar a jihar Kano.

83 daga cikin sun warke sai 33 da suka rigamu gidan gaskiya.

Saura mutane 586 wadanda suke cigaba da karbar kulawar jami’an lafiya a cibiyoyin killace masu dauke da cutar dake Kano.

labarai masu alaka:

Covid-19: Wadanda suka warke daga Corona a Kano sun zarce na Abuja

Yadda cibiyar gwajin Corona ta Dangote ke aiki a Kano

A ranar Litinin da ta gabata ne gwamnatin Kano ta sanar da tsawaita dokar kulle da zama gida a jihar har tsawon mako guda.

A wani bangaren kuma a ranar Talata ne gwamnan jihar Dakta Abdullahi Umar Ganduje ya gana da sarakunan gargajiya na Kano, inda ya nemi su mayar da hankali wajen wayar da kan al’umma kan cutar.