Middeslborough ta raba gari da Woodgate

Kungiyar Kwallon kafa ta Middlesbrough ta sanar da raba gari da mai horar da kungiyar tsohon dan wasan kasar Ingila Jonathan Woodgate, ta re da mai da gurbin sa da Neil Warnock.

Korar tashi ta biyo bayan rashin nasarar da kungiyar tayi har gida a hannun takwarar ta ,ta Swansea da ci 3 da nema wanda hakan ya bar kungiyar a matsayi na 21 a kasan teburin gasar Ingila rukuni na biyu da yiwuwar fadawa rukuni na uku.

Kungiyar ta Boro, ta sanar da sallamar Woodgate a yau Talata tare da mai da gurbin sa da tsohon mai horar da kungiyar Crystal Palace Neil Warnock nan take.

Labarai masu Alaka.

Dele Alli zai fuskanci hukunci kan cutar Corona

An dakatar da gasar Firimiyar kasar Ingila sabo da-Corona

Kungiyar ta godewa tsohon dan wasan nata da ya karkare Kwallon sa a kungiyar Woodgate tare da yi masa fatan alheri a gaba shekara guda bayan kama aikin sa a kungiyar a watan Yunin bara.

Zuwa yanzu haka Neil Warnock mai shekaru 71, zai gudanar da wasan sa na farko da Stoke City a ranar Asabar, ya dai raba gari da kungiyar Crystal Palace a watan Nuwambar bara bayan da kungiyar ta fada zuwa rukuni na biyu na gasar kasar ta Ingila.