Mun dawo da martabar Masarautu ne don gina sabbin Birane- Ganduje

Gwamnan jihar Kano Dakta Abdullahi Umar Ganduje, ya ce, gwamnatinsa ta dawo da martabar sababbin Masarautu ne domin gina sabbin Birane a jihar.

Gwamna Ganduje ya bayana hakan lokacin da yake kaddamar da babban asibitin Masarautar Karaye da yammacin ranar Talatar makon nan, bayan bude ayyukan titi a karamar hukumar Rano da kuma Karaye.

Haka kuma Dakta Abdullahi Umar Ganduje, ya kuma bukaci mazauna Masarautar ta Karaye da kewayenta da su yi amfani da asibitin yadda ya dace.

Gwamna Ganduje, ya kuma ziyarci wurin da ake gudanar da aikin samar da wutar lantarki mai zaman kanta ta jihar Kano a Dam din Challawa da ke yankin karamar hukumar Kumbotso.

Rahoton: Abba Isah Muhammad