NAHCON zata fara dawo da Al’hazan Najeriya a gobe laraba

Hukumar kula d aikin hajji ta kasa  NAHCON ta ce za a fara jigilar mahajjatan kasar nan  daga gobe Laraba.

Shugaban Sashen Kula da Jiragen Sama na NAHCON, Alhaji Habib Bello, ya bayyana haka yayin da yake jawabi ga manema labarai a Makkah.

Bello ya ce kamfanonin jiragen sama ne suka tantance jadawalin tashi kuma Hukumar Kula da Jiragen Sama ta Saudiyya (GACA) ta amince da  hakan.

A cewarsa,  jirin Max Air zai  fara jigilar dawowa a ranar 3 ga watan Yuni tare da mahajjata daga jihar Nasarawa, yayin da Flynas da Air Peace za su fara aiki a ranar 4 ga watan Yuni tare da mahajjata daga jihohin Ogun da Oyo.