Najeriya na gab da dakile cutar Polio – WHO

Hukumar lafiya ta duniya (WHO) ta ce Najeriya na gab da dakile cutar shan-inna, bayan da ta tattara bayanai game da halin da kasar ke ciki kan cutar ta Polio.

Hukumar ta Majalisar Dinkin Duniya ta bayyana hakan ne a shafinta na Twitter mallakar ofishinta da ke Brazzaville na kasar Congo, @WHOAFRO.

“A yau, sashen bada shaida na ofishinmu da ke kula da yankin Afirka kan yadda aka dakile cutuka ya karbi takardar tattara bayanan da Najeriya ta gabatar masa.

“Wannan wata rana ce mai muhimmanci ga Najeriya, Afirka da kuma shirin yaki da cutar Polio a Duniya,” in ji WHO.