Rigakafin Corona: ‘Yan wasan Kogi ka iya rasa bikin kakar wasa ta 2020

Akwai yiyuwar dakatar da ‘yan wasan jihar Kogi zuwa gasar bikin kakar wasanni ta 2020.

Za dai a fara gudanar da bikin ne a ranar 2 zuwa 14 ga watan Afrilu mai kamawa a jihar Edo.

Rahotanni na cewa, mataimakin gwamnan jihar ta Edo Philip Shu’aibu wanda kuma ya ke jagorantar kwamitin shirya gasar, ya ce, wajibi ne kowane dan wasa ya zamanto ya karbi allurar rigakafin Corona kafin a barshi ya fafata a gasar.

A cewar Babban Daraktan hukumar bunkasa kiwon lafiya a matakin farko na Kasa, Dakta Faisal Shu’aibu, dukkanin jihohin kasar nan sun karbi allurar rigakafin Corona amma banda jihar ta Kogi.