Shugaba Buhari ya bukaci a sake nazartar matakan karin wa’adin shugabanci jam’iyyar APC

Shugaban kasa Muhammadu Buhari ya bukaci shugabannin jam’iyya mai mulki da ta sake nazartar matakan da zai baiwa dukkanin shugabannin jam’iyyar karin wa’adin shugabanci jam’iyyar ta APC.

Shugaba Buhari ya kuma bukaci mambobin jam’iyyar da su nesanta kawunan su daga duk wasu daukar matakai da zai sanya jam’iyyun adawa su rika musu shagube.

Shugaba Buhari ya bayyana hakan ne, lokacin da yake jawabi yayin taron majalisar zartaswar jam’iyyar ta APC a fadar shugabancin kasa ta Villa da ke Abuja a Talatar nan.

A cewar sa karawa shugabannin jam’iyyar wa’adin ba zai sabawa dokokin jam’iyyar ba, kamar yadda hakan yake a kundin tsarin mulkin kasar nan, tare da cewa ya samu shawarwarin shari’a daga Antoni Janar kuma ministan shari’ar kasar nan kan wannan batu.