Connect with us

Labarai

Siyasar Kano: An ja layi tsakanin Sha’aban da Ganduje

Published

on

Ɗan majalisar tarayya mai wakiltar ƙaramar hukumar birnin Kano Sha’aban Ibrahim Sharaɗa ya caccaki gwamnatin Kano.

Cikin wani faifan bidiyo mai daƙiƙa hamsin da tara ya nuna Ɗan majalisar na sukar wasu tsare-tsaren gwamnatin Kano.

Sha’aban Sharaɗa ya ce, “Duka wani wuri da ya rage nan gaba da za a yiwa al’umma hidima ana sayar da shi, a kama makaranta a yanka a ce an ba wa wane”.

Ya ci gaba da cewa “A samu asibiti a yanka a ba wa wane, a samu masallaci a yanka a ce an bai wa wane, a samu hanya, maƙabarta a yanka ace an ba wa wane”.

“Me ake so? Me za a yi? Ina za ayi da duniya? Wallahi tallahi duk wanda ya sauraramin baya ƙaunar Allah”.

“Mun ja su ma su ja, mu ga wanda zai fi shan wahala” a cewar Sha’aban.

Gwamna Abdullahi Umar Ganduje da Sha’aban Sharada lokacin da ana dasawa.

Karin labarai:

Siyasar Kano: An ja layi tsakanin Sha’aban da Ganduje

Siyasar Kano: Ko Baffa Bichi ya ƙwace takarar Abba Gida-Gida?

Sai dai tuni gwamnatin Kano ta yi martani ta bakin tsohon mai bai wa gwamna shawara kan al’amuran jama’a kuma ɗan takarar shugaban ƙaramar hukumar birni Fa’izu Alfindiki.

A cikin wani saƙon murya da ya wallafa a shafinsa na Facebook ya ce, shi uban gidan Sha’aban ne a siyasa.

Alfindiki ya ce, “A siyasa ni ba sa’an ka ba ne, ni uban gidanka ne, ni na karantar da kai siyasa, ni na taimake ka a siyasa”.

“Ni nake binka bashi a siyasa, sauran waɗanda ke ƙasa da ni su ne sa’anninka a siyasa, amma Allah ya ɗaukaka ka, Allah ya daraja ka baka riƙi darajarka da muhimmanci ba”.

Yanzu haka dai al’umma na ta bayyana ra’ayoyinsu a kai musamman a kafafen sada zumunta.

Wannan dai na zuwa ne a daidai lokacin da jam’iyyar APC ke shirin zaɓen ƙananan hukumomi wanda tsagin masu hamayya suka ƙauracewa.

Ku kalli bidiyon na Sha’aban Sharada.

Click to comment

You must be logged in to post a comment Login

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Copyright © 2019. Freedom Radio Group. All Rights Reserved.

error: Content is protected !!